QHL: «Barys» mınskilik «Dınamoǵa» ese jiberdi
ASTANA. KAZINFORM — Qazaqstandyq «Barys» komandasy búgin, ıaǵnı 13 qyrkúıekte Qurlyqtyq hokkeı lıgasyndaǵy kezekti oıynyn elordada Belarýstiń «Dınamo» (Mınsk) komandasyna qarsy ótkizdi.
Kezdesý barysynda belarýstik komanda tizgindi qolda ustaýǵa tyrysty. Nátıjesinde olardyń qatarynan 5-mınýtta Aleks Lımok mergendik tanytty.
Oıynnyń 32-mınýtta «Barys» hokkeıshisi Maık Vekkıone tarazy basyn teńestirse, odan keıin Aleks Lımoj 34-mınýtta taǵy bir márte «Barys» qaqpasyn dál kózdedi.
Al 39-mınýtta «Dınamo» sapynan Sem Enas qorytyndy esepti belgiledi.
Osylaısha «Barys» qarsylasyna 1:3 esebimen ese jiberdi.
Aıta ketsek, eki komanda buǵan deıin 54 márte kezdesken. Onyń 24-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.
Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.
Eske salsaq, budan buryn qazaqstandyq komanda elordada Reseıdiń «Traktor» (4:3, overtaım), «Amýr» (4:3, býllıt) klýbtarynan basym tústi.
Endi elordalyq klýb aldaǵy bir taǵy bir oıynyn elordada ótkizip, bul joly Reseıdiń «Dınamo» (Máskeý) komandasyn qabyldaıdy.