QHL: «Barys» «Mettalýrg» komandasyna ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 26 aqpanda Qurlyqtyq hokkeı lıgasyndaǵy kezekti oıynyn Reseıde «Mettalýrg» (Magnıtogorsk) komandasyna qarsy ótkizdi.

Kezdesý barysynda reesılik klýbtan Danıl Vovchenko 18, Robın Press 31, Borıs Osıpovıch 33, Lıýk Djonson 42-mınýtta mergendik tanytty.

Oǵan qazaqstandyq klýbtan Semen Sımonov 57-mınýtta bir golmen jaýap qaıyrdy.

Osylaısha «Barys» qarsylasyna 1:4 esebimen ese jiberdi.

Eki komanda buǵan deıin 75 márte kezdesken. Onyń 27-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Qazir týrnır kestesinde «Barys» 29 upaımen 23-orynda tursa, «Severstal» 76 upaımen 7-orynda keledi.

Aıta ketsek, elordalyq klýb budan keıingi eki oıynyn syrt aıdynda ótkizedi. Aldymen 28 aqpanda «Lada» (Tolıattı) klýbymen kezdesse, 2 naýryzda «Traktor» (Chelıabi) komandasymen sheberlik baıqasady.

Eske salsaq, «Barys» qatarynan segizinshi márte jeńilip qaldy.