QHL: «Barys» «Metallýrg» komandasynan basym tústi

ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 15 qarashada elordada Reseıdiń «Metallýrg» (Magnıtogorsk) komandasyna qarsy ótkizdi.

QHL: «Barys» «Metallýrg» komandasynan basym tústi
Foto: «Barys» HK

Reseılik komanda bıyl birinshilikte jınaqy oıynymen kózge túsip keledi. Qazirge deıin 25 oıynnan keıin 39 upaı jınap, QHL-dyń turaqty chempıonatynda kósh tizginin qolǵa alǵan olar árbir kezdesýde jeńiske jetýge kúsh salyp júr.

Al elordalyq klýb alǵashqy on alty komandanyń arasynan kórinýge umtylyp otyr. Bul pleı-off satysyna joldama alýǵa múmkindik beredi.

Kezdesý barysynda komandalar tartysty oıyn ótkizdi. Alǵashqy eki kezeńde elordalyq klýb tórt shaıba soqsa, oǵan reseılik ujym eki golmen jaýap qaıyrdy. Sheshýshi kezeńde elordalyq klýb bir márte kózge tússe, reseılik komanda eki shaıba soqty.

«Barys» (Astana, Qazaqstan) — «Metallýrg» (Magnıtogorsk, Reseı) 5:4 (2:1, 2:1, 1:2)

Shaıbalar:

0:1 — 05:12 Rýbın (Djonson, ıAkovlev).
1:1 — 14:37 Beılı (Prıskı, Morellı).
2:1 — 15:14 Prıskı (Pılon, Morellı).
3:1 — 21:24 Beılı.
3:2 — 29:18 Nechaev (Tkachev, Sılantev).
4:3 — 37:41 Beılı.
4:3 — 52:39 Todd (Vovchenko, Tolchınskıı).
5:3 — 58:11 Savıtskıı.
5:4 — 58:50 Vovchenko (Todd, Provolnev).

Qaqpashylar: Shýtov — Zavragın 00:00–21:24, Smolın 21:24–60:00.

Osylaısha «Barys» qarsylasynan 5:4 esebimen basym túsip, týrnır kestesinde 29 upaımen on birinshi orynǵa kóterildi.

Endi elordalyq klýb aldaǵy eki oıynyn syrt aıdynda ótkizedi. Aldymen 18 qarashada Reseıde «Salavat ıÝlaev» (Ýfa) klýbymen kezdesse, odan keıin 20 qarashada «Avangard» (Omby) komandasymen oınaıdy. 

Eske salsaq, budan buryn Reseıdiń «Admıral» (Vladıvostok) komandasyna qarsy ótkizdi.

Eske salsaq, budan buryn qazaqstandyq komanda Reseıdiń «Admıral» (Vladıvostok) klýbyn jeńdi.