QHL: «Barys» maýsymdy jeńilispen aıaqtady

ASTANA. KAZINFORM - Qazaqstandyq «Barys» Qurlyqtyq hokkeı lıgasyndaǵy sońǵy oıynyn Reseıde «Sıbır» komandasyna qarsy ótkizdi.

Kezdesý barysynda birinshi kezeńde qazaqstandyq komanda bir gol soqsa, ekinshi kezeńde oǵan reseılik klýb bir golmen jaýap qaıyrdy. Sheshýshi kezeńde komandalar bir-biriniń qaqpasynan sańylaý taba alǵan joq.

Negizgi kezeńde 1:1 esebimen teń túsken qarsylastar overtmaımda da esepti ózgerte almady. Býllıtten «Sıbır» jeńiske jetti.

«Sıbır» (Novosibir, Reseı) - «Barys» (Astana, Qazaqstan) 2:1 B (0:1, 1:0, 0:0, 0:0, 1:0)

0:1 - Ýolsh (Vekkone, Morellı) - 03:17

1:1 - Koshelev (Kosolapov, Abramov) - 23:32

2:1 - Abramov - 65:00 B

Qaqpashylar: Berdın - Shýtov.

Osylaısha «Barys» bıylǵy maýsymda jeńilispen aıaqtady.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi tórt jylda mundaı múmkindikke qol jetkize alǵan joq.

Eske salsaq, budan buryn «Barys» elordada «Admıralǵa» ese jiberdi.