QHL: «Barys» maýsymdy kezekti jeńilispen aıaqtady
ASTANA. KAZINFORM - Qurlyqtyq hokkeı lıgasynyń (QHL) sońǵy matchynda «Barys» óz aıdynynda «Salavat ıÝlaev» (Ýfa) komandasyn qabyldady.
Osyǵan deıin qatarynan úsh ret jeńilis tapqan elordalyqtar bul joly da QHL kestesinde kósh bastaýshylardyń birine qaýqar tanyta almady.
Birinshi kezeńde qonaqtardan Aleksandr Hmelevskı men Sheldon Rempal mergendik tanytty.
Ekinshisinde «Barystan» Aslan Júsipbekov esepti qysqartty. Alaıda úshinshi kezeńde Djosh Lıvo, Skot Ýılson gol soǵyp, esepti 4:1-ge jetkizdi.
Osylaısha, Ǵalym Mámbetálıev jattyqtyratyn «Barys» klýby óz tarıhynda alǵash ret QHL-da sońǵy oryn aldy.
Eske sala keteıik, budan buryn «Barystyń» maýsymnyń sońǵy oıynyn «Salavat ıÝlaev» komandasymen ótkizetinin jazǵan bolatynbyz.
