QHL: «Barys» Máskeýde TsSKA komandasymen sheberlik baıqasady

ASTANA. KAZINFORM — Qurlyqtyq hokkeı lıgasynyń turaqty chempıonatynda búgin «Barys» Máskeýde TsSKA komandasymen kezdesedi.

TsSKA – «Barys» matchy Qazaqstan ýaqytymen saǵat 18.50-de bastalyp, «Qazsport» telearnasynan tikeleı efırde kórsetiledi.

Máskeýlik komanda 37 upaımen Batys konferentsııasynda 5-orynda keledi. Al astanalyqtar nebári 21 upaımen Shyǵys konferentsııasynda 11-satyda tur.

TsSKA sońǵy jeti kezdesýiniń beseýinde qarsylastaryn qapy qaldyrsa, «Barys» qatarynan tórt ret jeńildi.

Bul qos klýbtyń bıylǵy maýsymdaǵy ózara alǵashqy oıyny bolmaq.

Ǵalym Mámbetálıevtiń shákirtteri budan keıin Astanaǵa oralyp, 4 jeltoqsan kúni taǵy bir máskeýlik komanda – «Spartakty» qabyldaıdy.

Eske sala keteıik, budan buryn «Barystyń» qatarynan tórt ret jeńilis tapqanyn jazǵan bolatynbyz.