QHL: «Barys» qatarynan úshinshi márte jeńiske jetti
ASTANA. KAZINFORM - Qazaqstandyq «Barys» komandasy búgin, ıaǵnı 21 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Salavat ıÝlaev» (Ýfa) komandasyna qarsy ótkizdi.
Kezdesý barysynda reseılik komanda alǵashqy bolyp esep ashty. Olardyń qatarynan 12-mınýtta Artýr Faızov mergendik tanytty. Dese de kóp uzamaı qazaqstandyq komanda tarazy basyn teńestirýge múmkindik aldy. Ony 15-mınýtta Djeık Massı óziniń enshisine jazdy.
Ekinshi kezeńde «Barys» tizgindi óz qolynda ustaýǵa tyrysty. Kóbirek shabýylǵa kóńil bólip, esepti ulǵaıtatyn múmkindikti izdedi. Oıynnyń 32-mınýtynda qazaqstandyq shabýylshy Álıhan Ásetov kózdegen nysanadan múlt ketken joq.
Osylaısha «Barys» qarsylasynan 2:1 esebimen basym tústi.
Aıta ketsek, bul - elordalyq klýbtyń qatarynan úshinshi jeńisi.
Nátıjesinde olar týrnır kestesinde «Barys» 27 upaımen eki satyǵa joǵarylap, 16-orynǵa jaıǵasty.
Al «Salavat ıÝlaev» 23 upaımen 19-oryndy saqtap qaldy.
Qazaqstandyq klýb budan keıin taǵy bir oıynyn elordada ótkizip, 23 qarashada Reseıdiń «Avangard» (Omby) klýbymen sheberlik baıqasady.