QHL: «Barys» qatarynan úshinshi márte jeńilistiń aşy dámin tatty

ASTANA. KAZINFORM — Qazaqstandyq «Barys» komandasy búgin, ıaǵnı 7 qazanda Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizdi.

Kezdesý barysynda komandalar tartysty oıyn ótkizdi. Aldymen reseılik klýb qatarynan tórt shaıba soǵyp ketti. Olardyń qatarynan Vladımır Alıstrov 3-mınýtta esep ashsa, odan keıin Artem Galımov 36, 38-mınýtta eki márte mergendik tanytty. 

Al 42-mınýtta Nıkıta Lıamkın kózdegen nysanadan múlt ketken joq. 

Budan keıin elordalyq hokkeıshilerdiń belsendiligi baıqaldy. «Barys» sapynan Dinmuhamed Qaıyrjan 44-mınýtta gol soqsa, kelesi kezekte Maık Vekkıone 44, Vsevolod Logvın 47-mınýtta esep aıyrmasyn qysqartty.

Osylaısha «Barys» qarsylasyna 3:4 esebimen jol berip, qatarynan úshinshi márte jeńilistiń aşy dámin tatty.

Elordalyq klýb taǵy bir oıynyn syrt aıdynda ótkizip, 9 qazanda Reseıde «Traktor» (Chelıabi) komandasymen sheberlik baıqasady.

Eki komanda buǵan deıin 56 márte kezdesken. Onyń 10-y elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.