QHL: «Barys» qatarynan úshinshi márte jeńiliske ushyrady
Qazaqstandyq «Barys» Qurlyqtyq hokkeı lıgasyndaǵy kezekti oıynyn elordada Reseıdiń «Torpedo» (Nıjnıı Novgorod) komandasyna ese jiberdi, dep habarlaıdy Kazinform.
«Barys» pen «Torpedo» kezdesýi bir mınýt únsizdikpen bastaldy.
Kezdesý barysynda reseılik klýbtan Vladıslav Fırstov 15-mınýtta esep ashsa, Egor Vınogradov 26-mınýtta esepti ústemeleı tústi.
Oǵan «Barys» sapynan Batyrlan Muratov 43-mınýtta bir golmen jaýap qaıyrdy.
Osylaısha elordalyq klýb qarsylasyna 1:2 esebimen jol berdi. Bul - olardyń qatarynan úshinshi jeńilisi.
Endi elordalyq klýb aldaǵy úsh oıynyn syrt aıdynda ótkizedi. Aldymen Reseıde «Metallýrg» (Magnıtogosrk) klýbymen kezdesse, odan keıin 2 qarashada «Avtomobılıst» (Ekaterınbýrg), 4 qarashada «Ak Bars» (Qazan) komandalarymen oınaıdy.
Eske salsaq, «Barys» budan buryn Belarýstiń «Dınamo» (Mınsk) (2:5) komandasyna ese jiberdi.
