QHL: «Barys» qatarynan tórtinshi márte jeńildi

ASTANA. KAZINFORM — Qazaqstandyq «Barys» komandasy búgin, ıaǵnı 28 aqpanda Qurlyqtyq hokkeı lıgasyndaǵy kezekti oıynyn Reseıde «Spartak» (Máskeý) komandasyna qarsy ótkizdi. 

Kezdesý basynda qazaqstandyq komandanyń belsendiligi baıqalǵan edi. Birinshi kezeńde olar qatarynan eki shaıba soǵyp ketti. Reseılik klýb oǵan bir golmen jaýap berdi.

Ekinshi kezeńde máskeýlik komandanyń belsendiligi eerkshe baıqaldy. Nátıjesinde qatarynan úsh shaıba soǵyp, basymdyqty arttyra tústi. 

Úshinshi kezeńde reseılik komanda taǵy bir shaıba engizse, oǵan 59-mınýtta elordalyq klýb bir golmen jaýap qaıyrdy.

«Spartak» (Máskeý, Reseı) — «Barys» (Astana. Qazaqstan) 5:3 (1:2, 3:0, 1:1)
0:1 — Ýolsh (Savıtskıı) — 01:07
0:2 — Vekkone (Ýolsh, Ýıllman) — 10:46
1:2 — Gýtık (Porıadın, Rýbtsov) — 18:23
2:2 — Porıadın (Fılın, Vıshnevskıı) — 24:18
3:2 — Korostelev (Fılın, Sobolev) — 29:56
4:2 — Mansýrov (Orlov, Vıshnevskıı) — 38:35
5:2 — Mansýrov (Pıvchýlın) — 47:49
5:3 — Ýolsh — 59:17
Qaqpashylar: Georgıev — Shıl (Shýtov, 40:00 — 60:00)

Osylaısha «Barys» qarsylasyna 3:5 esebimen ese jiberdi.

Aıta ketsek, budan «Barys» qatarynan úsh márte jeńilistiń aşy dámin tatqan edi. 

«Barys» klýby budan keıin bes oıynyn syrt aıdynda ótkizedi. Aldymen 2 naýryzda Reseıde SKA (Sankt-Peterbýrg) klýbymen kezdesse, 7 naýryzda Qytaıdyń «Shanhaı aıdaharlary» (Shanhaı), 10 naýryzda Reseıde «Amýr» (Habarovsk), 12 jáne 13 naýryzda «Admıral» (Vladıvostok) klýbtarymen sheberlik baıqasady.