QHL: «Barys» qatarynan tórtinshi márte jeńildi

ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Lada» (Tolıattı) komandasyna qarsy ótkizdi.

Týrnır kestesinde «Barys» 54 oıynnan keıin 44 upaımen 19-orynda tur. Al, «Lada» 56 oıynnan keıin 66 upaımen 12-orynda keledi.

Kezdesý barysynda reseılik klýb alǵashqy bolyp esep ashty. Olardyń qatarynan Nıkolaı Demıdov 17-mınýtta kózdegen nysanadan múlt ketken joq.

Odan keıin eki komandanyń esepti ózgertetin birneshe múmkindigi bolǵan edi. Degenmen ekinshi kezeńde tablodaǵy esepke ózgeris engen joq.

Úshinshi kezeńde «Lada» sapynan Ostap Safın 53-mınýtta býllıtten basymdyqty arttyra tústi.

Osylaısha elordalyq klýb qarsylasyna 0:2 esebimen jol berdi. Bul - olardyń qatarynan tórtinshi jeńilisi.

Endi «Barys» aldaǵy alty oıynyn elordada ótkizedi. Aldymen 28 qańtarda Reseıdiń «Ak Bars» (Qazan) klýbymen kezdesse, odan keıin 31 qańtarda «Avangard» (Omby), 4 jáne 6 aqpanda «Amýr» (Blagoveşensk), 8 aqpanda SKA (Sankt- Peterbýrg), 10 aqpanda «Spartak» (Máskeý) klýbtarymen kezdesedi.