QHL: «Barys» qatarynan tórtinshi márte jeńildi

ASTANA. KAZINFORM – Qazaqstandyq «Barys» komandasy búgin, ıaǵnı 28 qańtarda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) klýbyna qarsy ótkizdi.

Kezdesý barysynda reseılik komanda alǵashqy bolyp esep ashty. Birinshi kezeńde olar bir gol soǵyp ketti. Ekinshi keezńde olar taǵy eki shaıba engizse, oǵan qazaqstandyq klýb bir golmen jaýap qaıyrdy. Úshinshi kezeńde de dál osyndaı nátıje qaıtalandy.

Osylaısha elordalyq klýb qarsylasyna 2:5 esebimen ese jiberdi. Bul – olardyń qatarynan tórtinshi jeńilisi.

«Barys» (Astana, Qazaqstan) – «Admıral» (Vladıvostok, Reseı) 2:5 (0:1, 1:2, 1:2)

0:1 - Zavgorodnıı (Osnovın) – 04:50

1:1 - Tompson (Ýıllman, Breýs) – 24:26

1:2 - Tımashov (Tertyshnyı) – 29:38

1:3 - Olson (Zavgorodnıı) – 33:25 

1:4 - Starkov – 47:43

1:5 - Osnovın (Zavgorodnıı, Shýlak) – 50:32

2:5 - Massı (Savıtskıı, Ómirbekov) – 51:51

Týrnır kestesinde «Barys» 39 upaımen 19-oryndy saqtap qalsa, «Admıral» 36 upaımen 21-orynǵa kóterildi.

Aıta ketsek, qazaqstandyq klýb budan keıin úsh oıynyn syrt aıdynda ótkizedi. Aldymen 31 qańtar jáne 2 aqpanda «Amýr» (Habarovsk) komandasymen kezdesse, 4 aqpanda «Admıral» (Vladıvostok) klýbymen sheberlik baıqasady.

Buǵan deıin «Barys» hokkeı komandasy búgin elordada «Admıral» komandasymen kezdesetinin jazǵan edik.