QHL: «Barys» qatarynan tórtinshi márte jeńildi
ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Belarýstiń «Dınamo» (Mınsk) komandasyna qarsy ótkizdi.
Kezdesý barysynda elordalyq klýbtan Maıkl Maklaýd 23-mınýtta mergendik tanytsa, oǵan mınskilik komandadan Vadım Moroz 22, 24, 59, Dıllon Dıýbe 56, Danııl Sotıshvılı 58-mınýtta bes shaıbamen jaýap berdi.
Osylaısha «Barys» qarsylasyna 1:5 esebimen ese jiberdi. Aıta ketsek, budan buryn «Barys» elordada Reseıdiń «Neftehımık» (Nıjnekamsk), «Traktor» (Chelıabınsk), «Amýr» (Habarovsk) komandalarynan jeńilip qalǵan edi.
Eki komanda buǵan deıin 31 márte kezdesken. Onyń 15-i elordalyq klýbtyń basymdyǵymen aıaqtalsa, qalǵan oıynda Belarýs komandasy jeńiske jetken.
Endi qazaqstandyq komanda qatarynan úsh oıynyn syrt aıdynda ótkizedi. Aldymen 17 qyrkúıekte Reseıdiń «Avtomobılıst» (Ekaterınbýrg) komandasymen kezdesse, odan keıin 19 qyrkúıekte «Ak Bars» (Qazan), 21 qyrkúıekte «Vıtıaz» (Podolsk) klýbtarymen oınaıdy.
