QHL: «Barys» qatarynan ekinshi márte jeńiske jetti

ASTANA. KAZINFORM — Qazaqstandyq «Barys» komandasy búgin, ıaǵnı 10 naýryzda Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasyna qarsy ótkizdi.

Kezdesý barysynda qazaqstandyq komanda sátti oıyn kórsete bildi. Alǵashqy kezeńde komandalar bir-biriniń qaqpasynan sańylaý taba alǵan joq. Ekinshi kezeńde elordalyq hokkeıshiler eki gol soqsa, úshinshi kezeńde taǵy bir márte qaqpany dál kózdedi.

«Amýr» (Habarovsk, Reseı) — «Barys» (Astana, Qazaqstan) 0:3 (0:0, 0:2, 0:1)

0:1 — Ómirbekov (Qaıyrjan, Savıtskıı) — 21:43

0:2 — Vekkone (Ýolsh, Tompson) — 39:28

0:3 — Vekkone (Massı, Morellı) — 58:51

Qaqpashylar: Dorojko — Boıarkın

Osylaısha «Barys» qarsylasynan 3:0 esebimen basym tústi.

Bul — elordalyq klýbtyń qatarynan ekinshi jeńisi.

Eske salsaq, budan buryn «Barys» syrt alańda Shanhaı Dregons» komandasynan basym tústi.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Týrnır kestesinde «Barys» 49 upaımen 19-orynǵa jaıǵassa, «Amýr» 57 upaımen 17-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi tórt jylda mundaı múmkindikke qol jetkize alǵan joq.