QHL: «Barys» qatarynan ekinshi márte jeńilistiń aşy dámin tatty

ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 20 qarashada elordada Reseıde «Avangard» (Omby) komandasyna qarsy ótkizdi.

QHL: «Barys» qatarynan ekinshi márte jeńilistiń aşy dámin tatty
Foto: «Barys» HK

Kezdesý barysynda reseılik komanda alǵashqy kezeńde belsendi oıyn kórsetti. Nátıjesinde olar qatarynan eki shaıba soǵyp úlgerdi. Ekinshi kezeńde komandalar bir-bir márteden kózge tústi.

«Avangard» (Omby, Reseı) — «Barys» (Astana, Qazaqstan) 3:1 (2:0, 1:1, 0:0)
Goldar

1:0 — Lıvo (Lajýa, Maklaýd) — 10:11
2:0 — Lıvo (Okýlov) — 14:25 GB
3:0 — Potýralskı (Lıvo, Gýlıaev) — 21:09
3:1 — Shaıhmeddenov (Danııar Sm., Makkoshen) — 31:11

Qaqpashylar: Prosvetov — Nıkolaev.

Osylaısha, «Barys» qarsylasyna 1:3 esebimen ese jiberdi. Bul -olardyń qatarynan ekinshi jeńilisi. Odan buryn qazaqstandyq komanda Reseıde «Salavat ıÝlaevtan» aılasyn asyra alǵan joq. 

Qurlyqtyq hokkeı lıgasy turaqty chempıonatynda «Barys» 28 oıynnan keıin 29 upaımen on besinshi oryndy saqtap qalsa, «Avangard» klýby 27 oıynnan keıin 34 upaımen jetinshi orynǵa kóterildi.

Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń beseýinde qarsylastaryn qapy qaldyrdy.

«Barys» komandasynyń quramy

Qaqpashylar: Dmıtrıı Nıkolaev, Vladıslav Nýrek, Andreı Shýtov.

Qorǵaýshylar: Ádil Beketaev, Damır Brıtıkov, Samat Danııar, Mádı Dıhanbek, Logan Deı, Ien Makkoshen, Djeık Massı, Beıbarys Orazov, Cheız Prıskı.

Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.

Aıta keteıik, budan keıin qazaqstandyq klýb eki oıynyn elordada ótkizedi. Aldymen 22 qarashada Belarýstiń «Dınamo» (Mınsk) klýbymen kezdesse, odan keıin 25 qarashada Reseıdiń «Severstal» (Cherepovets) komandasymen sheberlik baıqasady.