QHL: «Barys» qatarynan besinshi márte jeńilip qaldy

ASTANA. KAZINFORM - Qazaqstandyq «Barys» komandasy búgin, ıaǵnı 15 qańtarda Qurlyqtyq hokkeı lıgasyndaǵy kezekti oıynyn elordada Reseıdiń «Neftehımık» (Nıjnekamsk) klýbyna qarsy ótkizdi.

Kezdesý barysynda komandalar tartysty oıyn ótkizýge tyrysty. Nátıjesinde birinshi kezeńde reseılik komanda gol soǵyp ketti. Odan keıingi kezeńderde komandalar bir-biriniń qaqpasynan sańylaý taba alǵan joq.

Osylaısha elordalyq klýb qarsylasyna 0:1 esebimen ese jiberdi. Bul - olardyń qatarynan besinshi jeńilisi.

Barys (Astana) - Neftehımık (Nıjnekamsk) 0:1 (0:1, 0:0, 0:0)

0:1 - Tochılkın (Fedotov, Horýjev) - 05:07

Vratarı: Shıl - Ozolın

Qazirge deıin komandalar 44 márte sheberlik baıqasty. Onyń 23-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Aıta ketsek, qazaqstandyq klýb budan keıin bir oıynyn elordada ótkizip, 17 qańtarda Reseıdiń TsSKA (Máskeý) klýbymen sheberlik baıqasady.