QHL: «Barys» qatarynan besinshi márte jeńildi

ASTANA. KAZINFORM - Qazaqstandyq «Barys» komandasy búgin, ıaǵnı 12 qazanda Qurlyqtyq hokkeı lıgasyndaǵy kezekti oıynyn elordada Reseıdiń «Torpedo» (Nıjnıı Novgorod) komandasyna qarsy ótkizdi.

Eki komanda buǵan deıin 29 márte kezdesken. Onyń 14-i elordalyq klýbtyń basymdyǵymen aıaqtalsa, qalǵan oıynda qarsylas komanda jeńiske jetken.

Kezdesýdi qazaqstandyq komanda belsendi bastady. Nátıjesinde olardyń qatarynan Kırıll Panıýkov 4-mınýtta esep ashsa, oǵan 5-mınýtta reseılik klýbtan Maksım Letýnov bir shaıbamen jaýap berdi. Al Raılı Ýolsh 8-mınýtta qaıtadan «Barysty» alǵa shyǵarsa, odan keıin Sergeı Goncharýk 27, Aleksandr ıAremchýk 29-mınýtta eki shaıba soǵyp ketti.

Oıynnyń 30-mınýtynda qazaqstandyq klýbtan Semen Sımonov tarazy basyn teńestirse, «Torpedo» sapynan Mıhaıl Abramov 31, Alekseı Krýchının 34-mınýtta taǵy eki gol soqty.
Osylaısha «Barys» qarsylasyna 3:5 esebimen ese jiberdi.

Aıta ketsek, eki komanda da qatarynan tórt márte jeńilistiń aşy dámin tatqan bolatyn. Bul joly «Torpedo» sol sátsizdikke núkte qoıdy. 

Elordalyq klýb budan keıin tórt oıynyn elordada ótkizedi. Aldymen 14 qazanda Reseıdiń «Sıbır» (Novosibir) komandasymen kezdesse, 16 qazanda «Avangard» (Omby), 18 qazanda «Ak Bars» (Qazan), 24 qazanda «Amýr» (Habarovsk) klýbymen sheberlik baıqasady.

Buǵan deıin QHL-dyń kezekti týry aıasynda«Barys» búgin elordada «Torpedomen» kezdesetinin jazǵan edik.