QHL: «Barys» qatarynan altynshy márte jeńildi
ASTANA. KAZINFORM — Qazaqstandyq «Barys» komandasy búgin, ıaǵnı 14 qazanda Qurlyqtyq hokkeı lıgasyndaǵy kezekti oıynyn elordada Reseıdiń «Sıbır» (Novosibir) komandasyna qarsy ótkizdi.
Kezdesý barysynda alǵashqy mınýttan qazaqstandyq komanda belsendi qımyl kórsetti. Nátıjesinde 10-mınýtta Samat Danııar mergendik tanytsa, odan keıin Taıs Tompson 15-mınýtta esepti ústemeleı tústi.
Ekinshi kezeńde reseılik klýb basymdyqty arttyrdy. Olardyń qatarynan Vladımır Tkachev 28, Vladıslav Kara 33, Skott Ýılson 34-mınýtta kózdegen nysanadan múlt ketken joó.
Úshinshi kezeńde qazaqstandyq komanda tarazy basyn teńestirýge umtyldy. Oıynnyń 43-mınýtynda Raılı Ýolsh gol soqty.
Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte reseılik klýbbasym tústi. Saldarynan «Barys» qatarynan altynshy márte qatarynan jeńilip qaldy.
Endi qazaqstandyq klýb aldaǵy úsh oıynyn elordada ótkizedi. Aldymen 16 qazanda «Avangard» (Omby) klýbymen kezdesse, odan keıin 18 qazanda «Ak Bars» (Qazan), 24 qazanda «Amýr» (Habarovsk) klýbymen sheberlik baıqasady.