QHL: «Barys» elordada TsSKA komandasynan basym tústi
ASTANA. KAZINFORM — Qazaqstandyq «Barys» komandasy búgin, ıaǵnı 17 qańtarda Qurlyqtyq hokkeı lıgasyndaǵy kezekti oıynyn elordada Reseıdiń TsSKA (Máskeý) klýbyna qarsy ótkizdi.
Birinshi kezeńde elordalyq komanda bir shaıba soǵyp ketti. Ekinshi kezeńde qarsylastar bir-biriniń qaqpasynan sańylaý taba alǵan joq. Úshinshi kezeńde qazaqstandyq klýb eki shaıba engizse, oǵan reseılik hokkeıshiler bir golmen jaýap berdi.
«Barys» (Astana) — TsSKA (Máskeý, Reseı) 3:1 (1:0, 0:0, 2:1)
1:0 — Tompson (Morellı) — 13:00
2:0 — Vekkone (Ýolsh, Morellı) — 53:24
2:1 — Sorkın (Poltapov, Karnaýhov) — 56:37
3:1 — Vekkone (Shıl) — 59:23
Qaqpashylar: Shıl — Samonov
Osylaısha «Barys» qarsylasynan 3:1 esebimen basym tústi. Olar budan buryn qatarynan bes márte jeńilistiń aşy dámin tatqan edi.
Qazirge deıin komandalar 33 márte sheberlik baıqasty. Onyń 9-y elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.
Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.
Aıta ketsek, qazaqstandyq klýb budan keıin úsh oıynyn Reseıde ótkizedi. Aldymen 20 qańtarda Reseıdiń «Lada» (Tolıattıý) klýbymen sheberlik baıqassa, odan keıin 22 qańtarda TsSKA, 24 qańtarda «Neftehımık» (Nıjnekamsk) komandasymen oınaıdy.