QHL: «Barys» elordada «Severstal» komandasyna ese jiberdi
ASTANA. KAZINFORM – Qazaqstandyq «Barys» komandasy búgin, ıaǵnı 22 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Severstal» (Cherepovets) komandasyna qarsy ótkizdi.
Kezdesý barysynda reseılik hokkeıshiler birinshi kezeńde alǵashqy bolyp esep ashty. Ekinshi kezeńde qarsylastar bir-biriniń qaqpasynan sańylaý taba alǵan joq. Úshinshi kezeńde «Severstal» basymdyqty arttyrsa, odan keıin qazaqstandyq komanda qatarynan eki shaıba engizdi.
Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda reseılik klýb jeńis shaıbasyn soǵyp ketti.
«Barys» (Astana, Qazaqstan) - «Severstal» (Cherepovets, Reseı) 2:3 OT (0:1, 0:0, 2:1, 0:1)
0:1 - Aımýrzın (Skorenov, Ilın) - 08:45
0:2 - Tankov (Kaldıs, Chefanov) - 43:40
1:2 - Logvın (Ásetov) - 52:13
2:2 - Morellı (Sımonov) - 52:34
2:3 - Aımýrzın (Ilın) - 61:05
Osylaısha «Barys» qarsylasyna 2:3 esebimen ese jiberdi.
Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.
Elordalyq klýb klýby endi alty oıynyn syrt aıdynda ótkizedi. Aldymen 28 aqpanda Reseıde «Spartak» (Máskeý) komandasymen sheberlik baıqassa, odan keıin 2 naýryzda SKA (Sankt-Peterbýrg), 7 naýryzda Qytaıdyń «Shanhaı aıdaharlary» (Shanhaı), 10 naýryzda Reseıde «Amýr» (Habarovsk), 12 jáne 13 naýryzda «Admıral» (Vladıvostok) klýbtarymen kezdesedi.
Buǵan deıin «Barys» búgin «Severstal» komandasymen kim myqtyny anyqtaıtynyn jazǵanbyz.