QHL: «Barys» elordada «Salavat ıÝlaev» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 5 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Salavat ıÝlaev» (Ýfa) komandasyna qarsy ótkizedi.

Kezdesý Qazaqstan ýaqytymen 19:30-da bastalyp, «Qazsport» telearnasynan tikeleı efırde kórsetiledi.

Qazirge deıin komandalar 63 márte sheberlik baıqasty. Onyń 22-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń bireýinde qazaqstandyq klýb atalǵan qarsylasynan basym tústi.

Týrnır kestesinde «Barys» 19 upaımen 17-orynǵa jaıǵassa, «Salavat ıÝlaev» 18 upaımen 18-orynda keledi.

Qazaqstandyq klýb budan keıin eki oıynyn elordada ótkizedi. Aldymen 7 qarashada Reseıdiń «Avtomobılıst» (Ekaterınbýrg) komandasyn qabyldasa, odan keıin 9 qarashada «Metallýrg» (Magnıtogorsk) klýbymen sheberlik baıqasady.

Eske salsaq, budan buryn «Barys» qatarynan tórtinshi márte jeńildi.