QHL: «Barys» elordada overtaımda «Spartaktan» basym tústi

ASTANA. KAZINFORM - Qazaqstandyq «Barys» komandasy búgin, ıaǵnı 5 jeltoqsanda Qurlyqtyq hokkeı lıgasyndaǵy kezekti oıynyn elordada Reseıde «Spartak» (Máskeý) komandasyna qarsy ótkizdi.

Qazaqstandyq komanda sońǵy oıyndardy sátsiz ótkizdi. Sońǵy tórt kezdesýde jeńilistiń aşy dámin tatqan olar týrnır kestesinde 27 upaımen 19-orynǵa jaıǵasqan edi. 
Esesine reseılik komandanyń jaǵdaıy kóńil kónshiterlik. Pleı-off satysyna shyǵýyna múmkindigi zor. Olar 39 upaımen 9-orynda keledi.

Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Alǵashqy kezeńde qazaqstandyq komanda oıyndy belsendi bastady. Nátıjesinde olardyń qatarynan Ańsar Shaıhmeddenov 5-mınýtta mergendik tanytty. Oǵan reseılik klýbtan Pavel Porıadın 8, Danıl Pıvchýlın 23-mınýtta eki golmen jaýap qaıyrdy.

Ekinshi kezeńde elordalyq hokkeıshiler belsendi qımyl kórsetti. Degenmen «Spartak» sapynan Lıýk Lokhart 23-mınýtta basymdyqty arttyrsa, odan keıin «Barys» quramynan Raılı Ýolsh 29, Djeık Massı 32-mınýtta eki gol soǵyp ketti.

Negizgi kezeń 3:3 esebimen teń aıaqtalyp, oıyn overtaımǵa ulasty. Overtaımda Djeık Massı jeńis shaıbasyn soqty. Nátıjesinde olar qarsylasynan 4:3 esebimen basym tústi.

Eske salsaq, qazaqstandyq klýb endi taǵy bir oıynyn elordada 7 jeltoqsanda «Sıbır» (Novosibir) komandasyna qarsy ótkizedi.