QHL: «Barys» elordada «Lada» klýbynan jeńilip qaldy
ASTANA. KAZINFORM - Qazaqstandyq «Barys» komandasy búgin, ıaǵnı 15 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Lada» (Tolıattı) komandasyna qarsy ótkizdi.
Bıylǵy maýsymda qazaqstandyq komanda sátsiz ótkizdi. Qazirdiń ózinde pleı-off satysyna shyǵý múmkindiginen qur qaldy. Komanda quramynda negizinen jastar oıyn kórsetip júr. Soǵan qaramastan búgingi kezdesýde olar jeńiske jetýge bar kúshin saldy.
Oıynnyń 10-mınýtynda «Lada» hokkeıshisi Nıkıta Mıhaılov esep ashqan edi. Odan keıin elordalyq klýbtan Mstıslav Shıpılın 23, Kırıll Lıapýnov 25-mınýtta eki shaıba soǵyp ketti.
Al reseılik klýbtan Nıkıta Mıhaılov 50-mınýtta taǵy bir márte kózge tússe, odan keıin Alekseı Ojgıhın 58, Dmıtrıı Kýgryshev 58-mınýtta mergendik tanytty.
Osylaısha elordalyq klýb qarsylasyna 2:4 esebimen ese jiberdi.
Qazir týrnır kestesinde «Barys» 29 upaımen 23-orynda tursa, «Lada» 44 upaımen 20-orynda keledi.
Aıta ketsek, elordalyq klýb budan keıingi úsh oıynyn elordada ótkizedi. Aldymen 17 aqpanda «Metallýrg» (Magnıogorsk) klýbymen oınasa, 20 aqpanda «Severstal» (Cherepovets), 22 aqpanda «Admıral» (Vladıvostok) komandasymen kezdesedi.