QHL: «Barys» óz aıdynynda býllıtten «Sıbırge» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 7 jeltoqsanda Qurlyqtyq hokkeı lıgasyndaǵy kezekti kezdesýin elordada Reseıdiń «Sıbır» (Novosibir) komandasyna qarsy ótkizdi.

Komandalar bıyl sátsiz oıynymen kózge túsip júr. Saldarynan ekeýi de týrnır kestesinde tómengi oryndarda keledi. Sondyqtan olar búgingi kezdesýde jeńiske jetýge bar kúshin saldy. Oǵan qosa qazaqstandyq klýb atalǵan qarsylasymen keıingi bes kezdesýdiń bireýinde ǵana basym túsken bolatyn.

Birinshi kezeńde komandalar bir-biriniń qaqpasynan sańylaý taba alǵan joq. Ekinshi kezeńniń 25-mınýtynda «Sıbır» sapynan Vıacheslav Leşenko kózdegen nysanadan múlt ketken joq.

Úshinshi kezeńde elordalyq komanda tarazy basyn teńestirýge umtyldy. Qarsylas klýbtyń qaqpasynyń mańynda jıi boı kórsetti. Oıynnyń 59-mınýtynda elordalyq klýbtan Meıson Morellı mergendik tanytty. Negizgi kezeń 1:1 esebimen teń aıaqtalyp, oıyn overtaımǵa ulasty.

Overtaımda jeńimpaz anyqtalǵan joq. Býllıtte «Sıbır» jeńiske jetti.

Qazaqstandyq klýb budan keıin eki kezdesýin syrt aıdynda ótkizedi. Aldymen 16 jeltoqsanda Reseıde «Avtomobılıst» (Ekaterınbýrg) komandasymen kezdesse, odan keıin 18 jeltoqsanda «Dınamo» (Máskeý) (Novosibir) komandasymen sheberlik baıqasady.

Eske salsaq, budan buryn «Barys» elordada overtaımda «Spartaktan» basym tústi.