QHL: «Barys» elordada «Avangardqa» ese jiberdi
ASTANA. KAZINFORM - Qazaqstandyq «Barys» komandasy búgin, ıaǵnı 23 qarashada Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizdi.
Bıyl reseılik komanda sátti oıyn ótkizip keledi. Qazirge deıin 37 upaı jınaǵan olar 7-orynǵa turaqtaǵan edi. Al 27 upaımen 17-oryndy mise tutty.
Kezdesý barysynda birinshi kezeńde reseılik komanda jyldam gol soǵyp úlgerdi. Ekinshi kezeńde olar taǵy tórt márte «Barys» qaqpasyn dál kózdese, oǵan qazaqstandyq komanda bir golmen jaýap berdi. Úshinshi kezeńde elordalyq klýb qarsylasyna taǵy bir shaıba engizdi.
02:02. 0:1 - Ponomarev Vasılıı (Martynov Igor)
24:07. 0:2 - Kotlıarevskıı Mıhaıl (Blajıevskıı Artem, Maklaýd Maıkl)
24:26. 0:3 - Gýlıaev Mıhaıl (Lajýa Maksım, Okýlov Konstantın)
24:47. 0:4 - Ponomarev Vasılıı (Rashevskıı Dmıtrıı, Sharıpzıanov Damır).
35:14. 0:5 - Kotlıarevskıı Mıhaıl (Maklaýd Maıkl, Lajýa Maksım).
38:12. 1:5 - Ómirbekov Álıhan (Danııar Samat).
57:46. 2:5 - Ýıllman Maks (Vekkone Maıkl, Morellı Meıson).
Osylaısha elordalyq klýb qarsylasyna 2:5 esebimen ese jiberdi.
Qazaqstandyq klýb budan keıin úsh oıynyn syrt aıdynda ótkizedi. Aldymen 27 qarashada Reseıde «Salavat ıÝlaevpen» kezdesse, odan keıin 29 qarashada «Metallýrg» (Magnıtogorsk), 1 jeltoqsanda «Sıbır» (Novosibir) klýbtarymen sheberlik baıqasady.