QHL: «Barys» elordada «Amýrǵa» ese jiberdi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 12 qyrkúıekte elordada Reseıdiń «Amýr» (Habarovsk) komandasyna qarsy ótkizdi.
Kezdesý barysynda reseılik komanda belsendilik kórsetti. Olar birinshi kezeńde bir shaıba soǵyp úlgerdi. Ekinshi kezeńde olar taǵy bir márte kózge tússe, oǵan qazaqstandyq komanda bir golmen jaýap qaıyrdy.
Sheshýshi kezeńde reseılik komanda taǵy bir gol soǵyp, qorytyndy esepti belgiledi.
«Barys» (Astana, Qazaqstan) - «Amýr» (Habarovsk, Reseı) 1:3 (0:1, 1:1, 0:1)
0:1 - Lıhachev (Voınov, Pılıpenko) - 09:46
0:2 - Shvarev (Lýkın, Fılatev) - 30:02
1:2 - Pılon (Beılı, Morellı) - 32:44
1:3 - Petkov - 59:54
Qaqpashylar: Shepard - Dorojko
Osylaısha «Barys» qarsylasyna 1:3 esebimen ese jiberdi.
Endi elordalyq klýb aldaǵy tórt kezdesýin syrt aıdynda ótkizedi. Aldymen 16 qyrkúıekte Reseıdiń «Lada» (Tolıattı) komandasyna qarsy oınasa, odan keıin 18 qyrkúıekte «Metýllýrg» (Magnıtogorsk), 20 qyrkúıekte «Lokomotıv» (ıAroslavl), 22 qyrkúıekte «Dınamo» (Máskeý) klýbtarymen sheberlik baıqasady.
Aıta ketsek, «Barys» qatarynan ekinshi márte jeńisine jetti.
