QHL: «Barys» elordada «Admıralǵa» ese jiberdi

ASTANA. KAZINFORM — Qazaqstandyq «Barys» komandasy búgin, ıaǵnı 23 qańtarda Qurlyqtyq hokkeı lıgasyndaǵy kezekti oıynyn elordada Reseıdiń «Admıral» (Vladıvostok) komandasyna qarsy ótkizdi.

Elordalyq komanda buǵan deıin qatarynan on birinshi márte jeńilip qalǵan edi. Sondyqtan týrnır kestesinde sońǵy 23-oryndy mise tutty.

Kezdesý barysynda qazaqstandyq komandanyń belsendiligi kórinip turdy. Nátıjesinde 5-mınýtta Dinmuhamed Qaıyrjan mergendigimen kózge tústi.

Oıynnyń 29-mınýtynda «Admıral» sapynan Egor Petýhov tarazy basyn teńestirip ketti.

Al qazaqstandyq klýbtan Damır Jafıarov 35-mınýtynda kózge tússe, oıynnyń bitýine nebári 48 sekýnd qalǵanda Egor Petýhov óziniń ekinshi shaıbasyn soqty.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtte «Admıraldyń» joly boldy.

Osylaısha elordalyq klýb qarsylasyna 2:3 esebimen ese jiberdi.

Aıta ketsek, elordalyq klýb budan keıingi taǵy bir oıynyn elordada ótkizip, 26 qańtarda Reseıdiń «Ak Bars» (Qazan) klýbymen kezdesedi.