QHL: «Barys» ekinshi oıyn qatarynan jeńiske jetti
ASTANA. KAZINFORM — Qazaqstandyq «Barys» komandasy búgin, ıaǵnı 9 qyrkúıekte Qurlyqtyq hokkeı lıgasyndaǵy alǵashqy oıynyn elordada Reseıdiń «Amýr» (Habarovsk) komandasyna qarsy ótkizdi.
Kezdesý barysynda reseılik hokkeıshiler alǵashqy bolyp esep ashty.
Olardyń qatarynan Oleg Lı 19-mınýtta esep ashsa, odan keıin Sergeı Dýbakın 21-mınýtta basymdyqty arttyrdy.
Elordalyq hokkeıshiler budan keıin qatarynan úsh shaıba soǵyp ketti.
Aldymen Raılı Ýolsh 29-mınýtta mergendik tanytsa, odan keıin Kırıll Savıtskıı 32-mınýtta tarazy basyn teńestirdi.
Al 36-mınýtta Emıl Galımov «Barysty» alǵa shyǵarsa, 41-mınýtta reseılik klýbtan Kırıll Petkov gol soqty.
Negizgi kezeńde komandalar 3:3 esebine qanaǵat bildirip, oıyn overtaımǵa ulasty.
Overtaımda jeńimpaz anyqtalǵan joq. Býllıtten elordalyq klýb jeńiske jetti.
Qazaqstandyq klýb Qurlyqtyq hokkeı lıgasyndaǵy jańa maýsymda budan keıingi bir oıyndy elordada 13 qyrkúıekte Belarýstiń «Dınamo» (Mınsk) komandasyna qarsy ótkizedi.
Aıta ketsek, bıyl elordalyq klýbpen AQSh hokkeıshileri Ien Makkosh, Maıkl Vekkone, Raılı Ýolsh, Taıs Tompson, kanadalyq Djeık Massı, reseılik Vladımır Volkov, Emıl Galımov, qazaqstandyq Kırıll Panıýkov, Kırıll Savıtskıı, Batyrlan Muratov, Roman Starchenko jáne ózge de oıynshylar kelisimshartqa qol qoıdy.
Eske salsaq, budan buryn «Barys» komandasy «Traktordan» overtaımda basym tústi.