QHL: «Barys» ekinshi márte jeńilistiń aşy dámin tatty
ASTANA. KAZINFORM — Qazaqstandyq «Barys» (Astana) Qurlyqtyq hokkeı lıgasyndaǵy kezekti oıynyn búgin, 6 qarashada Reseıdiń «Admıral» (Vladıvostok) komandasyna qarsy ótkizdi.
Búgingi kezdesýde komandalar tartysty oıyn ótkizdi. Alǵashqy eki kezeńde reseılik klýb tórt shaıba soqsa, oǵan qazaqstandyq ujym úsh golmen jaýap berdi. Sheshýshi kezeńde komandalar bir-bir shaıbadan almasty.
«Admıral» (Vladıvostok, Reseı) — «Barys» (Qazaqstan) 5:4 (1:2, 3:1, 1:1)
0:1 — Sarkenov (Ásetov, Massı) — 05:59
0:2 — Deı (Massı, Ómirbekov) — 08:31
1:2 — Moıseev (Shýlak, Rendýlıch) — 11:05
2:2 — Ýsmanov (Mýranov, Vaşenko) — 21:07
2:3 — Ómirbekov (Shestakov, Brıtıkov) — 21:20
3:3 — Lýchevnıkov (Pımenov, Tsıtsıýra) — 33:01
4:3 — Rendýlıch (Zavgorodnıı, Pımenov) — 39:13 GB
4:4 — Beılı (Prıskı, Tompson) — 51:10 GB
5:4 — Vaşenko (Býlavchýk, Shýlak) — 57:57
Qaqpashylar: Boıarkın — Shýtov.
Osylaısha, «Barys» qarsylasyna 4:5 esebimen ese jiberdi.
Bul — qazaqstandyq komandanyń qatarynan ekinshi jeńilisi.
Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes kezdesýdiń ekeýinde elordalyq klýb jeńiske jetti.
«Barys» komandasynyń quramy
Qaqpashylar: Danıl Lytkın («Nomad» komandasynan keldi), Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Vladıslav Nýrek Azııa chempıonatyna qatysyp jatqan Qazaqstan ulttyq quramasynyń sapyna shaqyrý alsa, Mádı Dıhanbek qalpyna kelý protsesin jalǵastyrýda.
Aıta ketsek, qazaqstandyq klýb aldaǵy bir oıynyn Reseıde 8 qarashada 12:00–de «Amýr» (Habarovsk) komandasyna qarsy ótkizedi.