QHL: «Barys» býllıtten «Amýrǵa» ese jiberdi

ASTANA. KAZINFORM - Qazaqstandyq «Barys» komandasy búgin, ıaǵnı 31 qańtarda Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) klýbyna qarsy ótkizdi.

Birinshi kezeńde qazaqstandyq komanda alǵashqy bolyp esep ashqan edi. Olardyń qatarynan Kırıll Lıapýnov mergendik tanytty. Ekinshi kezeńde komandalar bir-biriniń qaqpasynan sańylaý taba alǵan joq. Úshinshi kezeńde reseılik klýbtan ıAroslav Lıahachev tarazy basyn teńestirdi.

«Amýr» (Habarovsk, Reseı) - «Barys» (Astana, Qazaqstan) 2:1 B (0:1, 0:0, 1:0, 0:0, 1:0)

0:1 - Lıapýnov (Danııar, Sımonov) - 09:25

1:1 - Lıhachev (Rykov, Galchenıýk) - 57:04

2:1 - Broadherst - 65:00 B

Qaqpashylar: Dorojko - Boıarkın

Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Býllıtten «Amýrdyń» joly boldy.

Osylaısha «Barys» qarsylasyna 1:2 esebimen ese jiberdi.

Týrnır kestesinde «Barys» 39 upaımen 19-orynǵa jaıǵassa, «Amýr» 41 upaımen 18-orynda keledi.

Aıta ketsek, qazaqstandyq klýb budan keıin eki oıynyn syrt aıdynda ótkizedi. Aldymen 2 aqpanda «Amýr» (Habarovsk) komandasymen taǵy bir márte kezdesse, 4 aqpanda «Admıral» (Vladıvostok) klýbymen sheberlik baıqasady.