QHL: «Barys» búgin «Spartak» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 28 aqpanda Qurlyqtyq hokkeı lıgasyndaǵy kezekti oıynyn Reseıde «Spartak» (Máskeý) komandasyna qarsy ótkizedi.

Kezdesý Qazaqstan ýaqytymen 19:00–de bastalady.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi. 
Týrnır kestesinde «Barys» 47 upaımen 19-orynǵa jaıǵassa, «Spartak» 68 upaımen 12-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.

«Barystyń» quramy 

Qaqpashylar: Nıkıta Boıarkın, Adam Shıl, Andreı Shýtov.

Qorǵaýshylar: Ádil Beketaev, Dmıtrıı Breýs, Samat Danııar, Ien Makkoshen, Djeık Massı, Kırıll Nıkıtın, Beıbarys Orazov, Raılı Ýolsh.

Shabýylshylar: Álıhan Ásetov, Maıkl Vekkone, Dinmuhamed Qaıyrjan, Vsevolod Logvın, Kırıll Lıapýnov, Tımýr Mındýbaev («Snejnye Barsy» klýbynan shaqyrtyldy), Meıson Morellı, Maksım Mýhametov, Álıhan Ómirbekov, Kırıll Panıýkov, Kırıll Savıtskıı, Semen Sımonov, Taıs Tompson, Maks Ýıllman.

Elordalyq klýb sapynda Ańsar Shaıhmeddenov jaraqat alǵan oıynshylar tiziminde tur. Sondaı-aq medıtsınalyq sebepterge baılanysty Emıl Galımov bul saparǵa qatyspaıdy.
«Barys» klýby budan keıin bes oıynyn syrt aıdynda ótkizedi. Aldymen 2 naýryzda Reseıde SKA (Sankt-Peterbýrg) klýbymen kezdesse, 7 naýryzda Qytaıdyń «Shanhaı aıdaharlary» (Shanhaı), 10 naýryzda Reesıde «Amýr» (Habarovsk), 12 jáne 13 naýryzda «Admıral» (Vladıvostok) klýbtarymen sheberlik baıqasady.

Eske salsaq, budan buryn «Barys» elordada «Severstal» komandasyna ese jiberdi.