QHL: «Barys» búgin «Shanhaı Dregons» komandasymen kezdesedi
ASTANA. KAZINFORM - Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 30 qazanda Qytaıdyń «Shanhaı Dregons» (Shanhaı) komandasyna qarsy ótkizedi.
Kezdesý Qazaqstan ýaqytymen 21:30-da bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 20 oıynnan keıin 23 upaımen toǵyzynshy orynda tursa, «Shanhaı Dregons» klýby 18 oıynnan keıin 26 upaımen jetinshi orynǵa jaıǵasqan.
Elordalyq komanda sońǵy alty oıynnyń úsheýinde jeńiske jetse, qytaılyq klýb alty kezdesýdiń tórteýinde qarsylastaryn qapy qaldyrdy.
Eki komanda arasyndaǵy sońǵy bes oıynnyń bireýinde elordalyq klýb jeńiske jetti.
«Barys» komandasynyń quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov
Komanda quramynan Mádı Dıqanbek pen Vsevolod Logvın Astanada qalyp, qalpyna kelý protsesin jalǵastyrady.
Qazaqstandyq klýb aldaǵy úsh oıynyn Reseıde ótkizedi.
Aldaǵy oıyndar kestesi (Qazaqstan ýaqytymen):
- 4 qarasha, 16:00. «Traktor» (Chelıabi, Reseı) - «Barys»
- 6 qarasha, 14:30. «Admıral» (Vlaıvostok, Reseı) - «Barys»
- 8 qarasha, 12:00. «Amýr» (Habarovsk, Reseı) - «Barys».
Eske salsaq, qazaqstandyq «Barys» budan buryn 28 qazanda Belarýste «Dınamo» (Mınsk) komandasyn jeńdi.
