QHL: «Barys» búgin «Shanhaı aıdaharlary» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 20 aqpanda Qurlyqtyq hokkeı lıgasyndaǵy kezekti oıynyn elordada Qytaıdyń «Shanhaı aıdaharlary» (Shanhaı) komandasyna qarsy ótkizedi.

Kezdesý Qazaqstan ýaqytymen 19:30–da bastalady.

Keıingi 5 kezdesýdiń úsheýinde qazaqstandyq klýb atalǵan qarsylasyna ese jiberdi. Týrnır kestesinde «Barys» 45 upaımen 19-orynǵa jaıǵassa, «Shanhaı aıdaharlary» 49 upaımen 18-orynda keledi.

Aıta ketsek, pleı-off kezeńine týrnır kestesinde alǵashqy 16 quramyna engen komandalar shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.

«Barys» klýby budan keıin bir oıynyn elordada ótkizip, 22 aqpanda Reseıdiń «Severstalv» (Cherepovets) komandasymen sheberlik baıqasady.

Eske salsaq, budan buryn «Barys» overtaımda «Metallýrgke» ese jiberdi.