QHL: «Barys» búgin «Severstal» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 22 aqpanda Qurlyqtyq hokkeı lıgasyndaǵy kezekti oıynyn elordada Reseıdiń «Severstal» (Cherepovets) komandasyna qarsy ótkizedi.

Kezdesý Qazaqstan ýaqytymen 17:00-de bastalady.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi. 
Týrnır kestesinde «Barys» 46 upaımen 19-orynǵa jaıǵassa, «Severstal» 76 upaımen 6-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi eki jylda mundaı múmkindikke qol jetkize alǵan joq.

«Barys» klýby budan keıin alty oıynyn syrt aıdynda ótkizedi. Aldymen 28 aqpanda Reseıde «Spartak» (Máskeý) komandasymen sheberlik baıqassa, odan keıin 2 naýryzda SKA (Sankt-Peterbýrg), 7 naýryzda Qytaıdyń «Shanhaı aıdaharlary» (Shanhaı), 10 naýryzda Reesıde «Amýr» (Habarovsk), 12 jáne 13 naýryzda «Admıral» (Vladıvostok) klýbtarymen kezdesedi.

Eske salsaq, budan buryn «Barys» overtaımda «Shanhaı aıdaharlaryna» ese jiberdi.