QHL: «Barys» búgin Reseıde «Torpedomen» kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 6 qańtarda Qurlyqtyq hokkeı lıgasyndaǵy kezekti oıynyn Reseıde «Torpedo» (Nıjnıı Novgorod) komandasyna qarsy ótkizedi. 

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 43 márte sheberlik baıqasty. Onyń 22-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.
Keıingi bes kezdesýdiń barlyǵynda qazaqstandyq klýb atalǵan qarsylasyna ese jiberdi.

Týrnır kestesinde «Barys» 36 upaımen 18-orynǵa jaıǵassa, «Torpedo» 50 upaımen 8-orynda keledi.

Aldaǵy oıyndarǵa «Barystyń» quramy

Qaqpashylar: Nıkıta Boıarkın, Adam Shıl, Andreı Shýtov.

Qorǵaýshylar: Ádil Beketaev, Dmıtrıı Breýs, Tamırlan Gaıtamırov, Samat Danııar, Ien Makkoshen, Djeık Massı, Beıbarys Orazov, Raılı Ýolsh.

Shabýylshylar: Álıhan Ásetov, Maıkl Vekkone, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Maksım Mýhametov, Álıhan Ómirbekov, Kırıll Panıýkov, Kırıll Savıtskıı, Semen Sımonov, Taıs Tompson, Maks Ýıllman, Ansar Shaıhmeddenov.

Qazaqstandyq klýb budan keıin úsh oıynyn syrt aıdynda ótkizedi. Aldymen 8 qańtarda Reseıdiń «Ak Bars» (Qazan) klýbymen kezdesse, 10 qańtarda «Salavat ıÝlaev» (Ýfa), 12 qańtarda «Avtomobılıst» (Ekaterınbýrg) komandalarymen sheberlik baıqasady.

Eske salsaq, budan buryn «Barys» Reseıde «Avangardtan» basym tústi.