QHL: «Barys» búgin Reseıde «Spartakpen» kezdesedi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 4 qazanda Reseıde «Spartak» (Máskeý) komandasyna qarsy ótkizedi.
Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Týrnır kestesinde «Spartak» komandasy 11 oıynnan keıin 11 upaımen on besinshi orynda tursa, «Barys» 11 oıynnan keıin 12 upaımen onynshy orynda keledi.
Eki qurama arasyndaǵy sońǵy bes kezdesýdiń tórteýine qazaqstandyq komanda qarsylasyna ese jiberdi.
«Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Semen Sımonov, Taıs Tompson, Ańsar Shaıhmeddenov, Arkadıı Shestakov.
Qazaqstandyq komanda budan keıin úsh oıynyn elordada ótkizedi. Aldymen 10 qazanda Reseıdiń «Avangard» (Omby) komandasymen kezdesse, odan keıin 12 qazanda «Sıbır» (Novosibir), 14 qazanda «Avtomobılıst» (Ekaterınbýrg) klýbtarymen oınaıdy.
Eske salsaq, budan buryn «Barys» overtaımda «Neftehımıkten» basym tústi.
