QHL: «Barys» búgin Reseıde «Neftehımıkpen» kezdesedi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 2 qazanda Reseıde «Neftehımık» (Nıjnekamsk) komandasyna qarsy ótkizedi.
Kezdesý Qazaqstan ýaqytymen 21:00-de bastalyp, «Qazsport» telearnasynan tikeleı efırde kórsetiledi.
Týrnır kestesinde «Neftehımık» komandasy 11 oıynnan keıin 15 upaımen úshinshi orynda tursa, «Barys» 10 oıynnan keıin 10 upaımen on ekinshi orynda keledi.
Eki qurama arasyndaǵy sońǵy bes kezdesýdiń barlyǵynda qazaqstandyq komanda qarsylasyna ese jiberdi.
«Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Semen Sımonov, Taıs Tompson, Ańsar Shaıhmeddenov, Arkadıı Shestakov.
Qazaqstandyq komanda budan keıin bir oıynyn syrt aıdynda ótkizip, 4 qazanda «Spartak» (Máskeý) komandasymen sheberlik baıqasady.
Aıta ketsek, budan buryn «Barys» Reseıde «Ak Barsqa» jol berdi.
