QHL: «Barys» búgin Reseıde «Neftehımık» komandasymen kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 27 qazanda Qurlyqtyq hokkeı lıgasyndaǵy kezekti oıynyn elordada Reseıde «Neftehımık» (Nıjnekamsk) komandasyna qarsy ótkizedi.

Kezdesý Qazaqstan ýaqytymen 21:00–de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 42 márte sheberlik baıqasty. Onyń 23-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti. 

Keıingi bes kezdesýdiń úsheýinde qazaqstandyq klýb atalǵan qarsylasynan basym tústi. 
Týrnır kestesinde «Barys» 19 upaımen 15-orynǵa jaıǵassa, «Neftehımık» 21 upaımen 13-orynda keledi.

Elordalyq klýb budan keıin taǵy eki oıynyn syrt aıdanda ótkizedi. Aldymen 29 qazanda Reseıde «Avangard» (Omby) klýbymen kezdesse, odan keıin «Traktor» (Chelıabi) komandasymen sheberlik baıqasady.

Eske salsaq, budan buryn Qazaqstan kógaldaǵy hokkeıden Ortalyq Azııa chempıonatynyń jeńimpazy atandy.