QHL: «Barys» búgin Reseıde «Neftehımık» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 24 qańtarda Qurlyqtyq hokkeı lıgasyndaǵy kezekti oıynyn Reseıde «Neftehımık» (Nıjnekamsk) klýbyna qarsy ótkizedi.

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 45 márte sheberlik baıqasty. Onyń 23-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń tórteýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 39 upaımen 19-orynǵa jaıǵassa, «Neftehımık» 55 upaımen 12-orynda keledi.

Aıta ketsek, qazaqstandyq klýb budan keıin bir oıynyn elordada ótkizip, 28 qańtarda «Admıral» (Vladıvostok) komandasymen kezdesedi.

Eske salsaq, budan buryn hokkeıden Qazaqstan qyzdar quramasy álem chempıonatynda tórtinshi jeńisine jetti.