QHL: «Barys» búgin Reseıde «Metallýrg» komandasymen kezdesedi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 18 qyrkúıekte Reseıde «Metallýrg» (Magnıtogrsk) komandasyna qarsy ótkizedi.
Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Týrnır kestesinde «Metallýrg» komandasy 5 oıynnan keıin 10 upaımen birinshi orynda tursa, «Barys» 6 upaımen toǵyzynshy orynda keledi.
Eki komanda arasyndaǵy sońǵy bes kezdesýde elordalyq klýb barlyǵynda qarsylasyna ese jiberdi.
Aldaǵy oıyndarǵa «Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Mádı Dıhanbek, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Aıta ketsek, qazaqstandyq komanda budan keıin taǵy eki kezdesýin syrt aıdynda ótkizedi.
Aldymen 20 qyrkúıekte Reseıde «Lokomotıv» (ıAroslavl) klýbymen kezdesse, 22 qyrkúıekte «Dınamo» (Máskeý) komandasymen sheberlik baıqasady.
Eske salsaq, budan buryn elordalyq komanda 16 qyrkúıekte Reseıde «Lada» (Tolıattı) klýbyn 6:0 esebimen jeńdi.
