QHL: «Barys» búgin Reseıde «Lada» komandasymen kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 16 qyrkúıekte Reseıde «Lada» (Tolıattı) komandasyna qarsy ótkizedi.
Bul kezdesý Qazaqstan ýaqytymen 20:00–de bastalyp, «Qazsport» telearnasynan tikeleı efırde kórsetiledi.
Týrnır kestesinde qarsylastar bir-birimen qatarlas keledi. Alǵashqy úsh oıynnan keıin eki jeńis, bir jeńilisten keıin «Barys» 4 upaımen on birinshi orynda tur.
Aldaǵy tórt oıynǵa «Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Mádı Dıhanbek, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Qazaqstan ýaqyty boıynsha matchtar kestesi:
- 16 qyrkúıek, 20:00 «Lada» — «Barys»
- 18 qyrkúıek, 19:00 «Metallýrg» — «Barys»
- 20 qyrkúıek, 19:00 «Lokomotıv» — «Barys»
- 22 qyrkúıek, 21:30 «Dınamo» (Máskeý) — «Barys».
Aıta keteıik, elordada qazaqstandyq komanda Reseıdiń «Sıbır» (7:1) jáne «Salavat ıÝlaev» (8:6) komandalaryn jeńip, «Amýrǵa» (1:3) ese jiberdi.
Al «Lada» bes kezdesýde tórt márte qarsylasyna ese jiberip, bireýinde ǵana jeńistiń kiltin tapty.
Keıingi bes kezdesýdiń úsheýinde elordalyq klýb qarsylasyna ese jiberip qoıdy.
