QHL: «Barys» búgin Reseıde «Dınamomen» kezdesedi
ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 22 qyrkúıekte Reseıde «Dınamo» (Máskeý) komandasyna qarsy ótkizedi.
Kezdesý Qazaqstan ýaqytymen 21:30–da bastalyp, «Qazsport» telearnasynan tikeleı efırde kórsetiledi.
Týrnır kestesinde «Dınamo» komandasy 7 oıynnan keıin 11 upaımen on birinshi birinshi orynda tursa, «Barys» 8 upaımen segizinshi orynda keledi.
Eki komanda arasyndaǵy sońǵy bes kezdesýde elordalyq klýb tórteýinde qarsylasynan basym tústi.
«Barystyń» quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Mádı Dıhanbek, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Kırıll Panıýkov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Aıta ketsek, qazaqstandyq komanda budan keıin taǵy eki kezdesýin elordada ótkizedi. Aldymen 25 qyrkúıekte Reseıdiń «Neftehımık» (Nıjnekamsk) komandasymen sheberlik baıqassa, odan keıin 27 qyrkúıekte SKA (Sankt-Peterbýrg) klýbymen oınaıdy.
Aıta ketsek, budan buryn «Barys» Reseıde «Lokomotıvten» basym tústi.
