QHL: «Barys» búgin Reseıde «Avtomobılıstpen» kezdesedi
ASTANA. KAZINFORM - Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 26 qazanda Reseıde «Avtomobılıst» (Ekaterınbýrg) komandasyna qarsy ótkizedi.
Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 18 oıynnan keıin 21 upaımen on birinshi orynda tursa, «Avtomobılıst» 18 oıynnan keıin 15 upaımen on besinshi orynǵa jaıǵasqan.
Elordalyq komanda sońǵy alty oıynnyń úsheýinde jeńiske jetse, reseılik klýb alty kezdesýdiń úsheýinde qarsylastaryn qapy qaldyrdy.
Eki komanda arasyndaǵy sońǵy bes oıynnyń úsheýinde elordalyq klýb jeńiske jetti.
«Barys» komandasynyń quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Komanda quramynan Mádı Dıqanbek pen Vsevolod Logvın Astanada qalyp, qalpyna kelý protsesin jalǵastyrady.
Aldaǵy oıyndar kestesi (Qazaqstan ýaqytymen):
26 qazan, 19:00. «Avtomobılıst» (Ekaterınbýrg, Reseı) - «Barys»
28 qazan, 21:10. «Dınamo» (Mınsk, Belarýs) - «Barys»
30 qazan, 21:30. «Shanhaıskıe drakony» (Shanhaı, Qytaı) - «Barys».
Eske salsaq, budan buryn «Barys» overtaımda «Admıralǵa» ese jiberdi.
