QHL: «Barys» búgin Reseıde «Avtomobılıstpen» kezdesedi

ASTANA. KAZINFORM — Qazaqstandyq «Barys» komandasy búgin, ıaǵnı 12 qańtarda Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) klýbyna qarsy ótkizedi.

Kezdesý Qazaqstan ýaqytymen 19:00–de bastalyp, «Qazsport» telearnasynan tikeleı efırde kórsetiledi.

Qazirge deıin komandalar 56 márte sheberlik baıqasty. Onyń 33-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.
Týrnır kestesinde «Barys» 36 upaımen 19-orynǵa jaıǵassa, «Avtomobılıst» 49 upaımen 10-orynda keledi.

Aıta ketsek, qazaqstandyq klýb budan keıin eki oıynyn elordada ótkizedi. Aldymen 15 qańtarda Reseıdiń «Neftehımık» (Nıjnekamsk) komandasyn qabyldasa, 17 qańtarda TsSKA (Máskeý) klýbymen sheberlik baıqasady.

Eske salsaq, budan buryn «Barys» qatarynan úshinshi ret jeńildi.