QHL: «Barys» búgin Reseıde «Avtomobılıst» komandasymen kezdesedi

ASTANA. KAZINFORM - Qazaqstandyq «Barys» komandasy búgin, ıaǵnı 16 jeltoqsanda Qurlyqtyq hokkeı lıgasyndaǵy kezekti oıynyn Reseıde «Avtomobılıst» (Ekaterınbýrg) komandasyna qarsy ótkizedi.

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi. 

Qazirge deıin komandalar 54 márte sheberlik baıqasty. Onyń 32-i elordalyq komandanyń basymdyǵymen aıaqtalsa, qalǵanynda reseılik ujym jeńiske jetti.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 30 upaımen 18-orynǵa jaıǵassa, «Avtomobılıst» 39 upaımen 10-orynda keledi.

Qazaqstandyq klýb budan keıin taǵy bir oıynyn syrt aıdynda ótkizip, 18 jeltoqsanda Reseıde «Dınamo» (Máskeý) komandasymen sheberlik baıqasady.

«Barystyń» aldaǵy eki oıynǵa quramy

Qaqpashylar: Nıkıta Boıarkın, Artem Shestakov, Andreı Shýtov.

Qorǵaýshylar: Ádil Beketaev, Dmıtrıı Breýs, Tamırlan Gaıtamırov, Samat Danııar, Ien Makkoshen, Djeık Massı, Beıbarys Orazov, Raılı Ýolsh.

Shabýylshylar: Álıhan Ásetov, Maıkl Vekkone, Emıl Galımov, Dinmuhamed Qaıyrjan, Vsevolod Logvın, Meıson Morellı, Maksım Muhametov, Álıhan Ómirbekov, Kırıll Panıýkov, Kırıll Savıtskıı, Semen Sımonov, Taıs Tompson, Maks Ýıllman, Ańsar Shaıhmeddenov.

Eske salsaq, budan buryn «Barys» óz aıdynynda býllıtten «Sıbırge» ese jiberdi.