QHL: «Barys» búgin Reseıde «Avangardpen» kezdesedi

ASTANA. KAZINFORM — Qazaqstandyq «Barys» Qurlyqtyq hokkeı lıgasyndaǵy kezekti oıynyn búgin, 20 qarashada elordada Reseıde «Avangard» (Omby) komandasyna qarsy ótkizedi.

«Barys» hokkeı klýby
Foto: «Barys» hokkeı klýby

Kezdesý Qazaqstan ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Qurlyqtyq hokkeı lıgasy turaqty chempıonatynda «Barys» 27 oıynnan keıin 29 upaımen on besinshi orynda tursa, «Avangard» klýby 26 oıynnan keıin 32 upaımen toǵyzynshy orynǵa jaıǵasqan.

Elordalyq komanda sońǵy alty oıynnyń ekeýinde jeńiske jetse, reseılik klýb alty kezdesýdiń beseýinde qarsylastaryn qapy qaldyrdy.

Eki komanda arasyndaǵy sońǵy bes kezdesýdiń úsheýinde elordalyq klýb jeńiske jetti.

«Barys» komandasynyń quramy

Qaqpashylar: Dmıtrıı Nıkolaev, Vladıslav Nýrek, Andreı Shýtov.

Qorǵaýshylar: Ádil Beketaev, Damır Brıtıkov, Samat Danııar, Mádı Dıhanbek, Logan Deı, Ien Makkoshen, Djeık Massı, Beıbarys Orazov, Cheız Prıskı.

Shabýylshylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Álıhan Ómirbekov, Garrett Pılon, Kırıll Savıtskıı, Asanáli Sárkenov, Semen Sımonov, Taıs Tompson, Ansar Shaıhmeddenov, Arkadıı Shestakov.

Aıta ketsek, budan keıin qazaqstandyq klýb eki oıynyn elordada ótkizedi. Aldymen 22 qarashada Belarýstiń «Dınamo» (Mınsk) klýbymen kezdesse, odan keıin 25 qarashada Reseıdiń «Severstal» (Cherepovets) komandasymen sheberlik baıqasady.

Eske salsaq, budan buryn «Barys» Reseıde «Salavat ıÝlaevqa» ese jiberdi.