QHL: «Barys» búgin Reseıde «Amýrmen» kezdesedi
ASTANA. KAZINFORM – «Barys» komandasy búgin Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) klýbyna qarsy ótkizedi.
Kezdesý Qazaqstan ýaqytymen 14:00-de bastalyp, «Qazsport» telearnasynan tikeleı efırde kórsetiledi.
Aıta keteıik, qazirgi kezde týrnırlik kestede «Barys» hokkeı komandasy 39 upaımen 19-orynda, al «Amýr» 41 upaımen 18-orynda tur.
Elordalyq klýb osy machtan keıin 4 aqpan kúni túzde «Admıral» (Vladıvostok) hokkeı klýbymen sheberlik baıqasyp, kim myqtyny anyqtaıdy.
Eske sala keteıik, buǵan deıin «Barys» syrt aıdyndaǵy oıynda «Amýrǵa» býllıt serııasynda 1:2 esebimen ese jibergenin jazǵan bolatynbyz.
