QHL: «Barys» búgin Reseıde «Amýrmen» kezdesedi
ASTANA. KAZINFORM - Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn búgin, 19 qazanda Reseıde «Amýr» (Habarovsk) komandasyna qarsy ótkizedi.
Kezdesý Qazaqstan ýaqytymen 14:00-de bastalyp, «Qazsport» telearnasynan tikeleı efırde kórsetiledi.
Qurlyqtyq hokkeı lıgasy turaqty chempıonatynda «Barys» 16 oıynnan keıin 20 upaımen jetinshi orynda tursa, «Sıbır» 17 oıynnan keıin 15 upaımen on jetinshi orynǵa jaıǵasqan.
Elordalyq komanda sońǵy alty oıynnyń beseýinde jeńiske jetse, reseılik klýb alty kezdesýdiń úsheýinde qarsylastaryn qapy qaldyrdy.
Eki komanda arasyndaǵy sońǵy bes oıynnyń bireýinde elordalyq klýb jeńiske jetti.
«Barys» komandasynyń quramy
Qaqpashylar: Vladıslav Nýrek, Hanter Shepard, Andreı Shýtov.
Qorǵaýshylar: Ádil Beketaev, Damır Brıtıkov, Samat Danııar, Logan Deı, Ien Makkoshen, Djeık Massı, Beıbarys Orazov, Cheız Prıskı.
Shabýylylar: Abzal Álibek, Álıhan Ásetov, Djastın Beılı, Dinmuhamed Qaıyrjan, Vsevolod Logvın, Kırıll Lıapýnov, Meıson Morellı, Batyrlan Muratov, Álıhan Ómirbekov, Garrett Pılon, Kırıll Savıtskıı, Asanalı Sarkenov, Semen Sımonov, Taıs Tompson, Ansar Shaıhmeddenov, Arkadıı Shestakov.
Qazaqstandyq komanda budan keıin bir kezdesýdi syrt aıdynda ótkizip, 21 qazanda Reseıde «Admıral» (Vladıvostok) klýbymen sheberlik baıqasady.
Eske salsaq, budan buryn 17 qazanda Reseıde «Sıbır» (Novosibir) komandasyn 1:0 esebimen qapy qaldyryp, jetinshi orynǵa kóterildi.
