QHL: «Barys» búgin Reseıde «Amýrmen» kezdesedi

ASTANA. KAZINFORM – Qazaqstandyq «Barys» komandasy búgin, ıaǵnı 2 naýryzda Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasyna qarsy ótkizedi.

Kezdesý Qazaqstan ýaqytymen 14:15-te bastalady.

Keıingi bes kezdesýdiń úsheýinde qazaqstandyq klýb atalǵan qarsylasyna ese jiberdi.

Týrnır kestesinde «Barys» 49 upaımen 19-orynǵa jaıǵassa, «Amýr» 57 upaımen 17-orynda keledi.

Aıta ketsek, pleı-off kezeńine týrnır kestesinde alǵashqy 16 komanda quramyna engender shyǵa alady. Qazaqstandyq komanda keıingi tórt jylda mundaı múmkindikke qol jetkize alǵan joq.

«Barystyń» quramy

Qaqpashylar: Nıkıta Boıarkın, Adam Shıl, Andreı Shýtov.

Qorǵaýshylar: Ádil Beketaev, Dmıtrıı Breýs, Samat Danııar, Ien Makkoshen, Djeık Massı, Kırıll Nıkıtın, Beıbarys Orazov, Raılı Ýolsh.

Shabýylshylar: Álıhan Ásetov, Maıkl Vekkone, Dinmuhamed Qaıyrjan, Vsevolod Logvın, Kırıll Lıapýnov, Tımýr Mındýbaev («Snejnye Barsy» klýbynan shaqyrtyldy), Meıson Morellı, Maksım Mýhametov, Álıhan Ómirbekov, Kırıll Panıýkov, Kırıll Savıtskıı, Semen Sımonov, Taıs Tompson, Maks Ýıllman.

Elordalyq klýb sapynda Ańsar Shaıhmeddenov jaraqat alǵan oıynshylar tiziminde tur. Sondaı-aq medıtsınalyq sebepterge baılanysty Emıl Galımov bul saparǵa qatyspaıdy.

«Barys» klýby budan keıin eki oıynyn syrt aıdynda ótkizip, 12 jáne 13 naýryzda «Admıral» (Vladıvostok) klýbtarymen sheberlik baıqasady.

Eske salsaq, budan buryn «Barys» syrt alańda Shanhaı Dregons» komandasynan basym tústi.