QHL: «Barys» búgin Reseıde «Amýr» klýbymen oınaıdy

ASTANA. KAZINFORM — Qazaqstandyq «Barys» komandasy búgin, ıaǵnı 15 naýryzda Qurlyqtyq hokkeı lıgasyndaǵy kezekti oıynyn Reseıde «Amýr» (Habarovsk) komandasyna qarsy ótkizedi.

Oıyn elorda ýaqytymen 12:30–da bastalady.

Eki komanda buǵan deıin 58 márte kezdesken. Onyń 31-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.

Keıingi bes kezdesýdiń úsheýinde qazaqstandyq ujym atalǵan qarsylasyna ese jiberdi.

Qazir týrnır kestesinde «Barys» 35 upaımen 23-orynda tursa, «Amýr» 38 upaımen 22-orynda keledi.

Endi «Barys» budan keıin QHL-dyń turaqty kezeńinde úsh oıynyn ótkizedi.

Aldymen Reseıde 17 naýryzda «Sıbır» (Novosibir) komandasymen oınasa, odan keıin elordada 20 naýryzda Reseıdiń «Ak bars» (Qazan), 22 naýryzda «Salavat ıÝlaev» (Ýfa) klýbtarymen kezdesedi.

Eske salsaq, budan buryn «Barys» býllıtten «Admıraldy» jeńdi.